التقنيات والأجهزة
الأجهزة مش خطة لوحدها. استخدامها بيتحدد بعد التقييم، وبنشرح لك دور كل قياس أو جلسة في حالتك.
داخل الكشف
الكشف مش مجرد ميزان ورقم. بنعمل تحليل التركيب الجسمي بجهاز InBody عشان نعرف نسبة الدهون والعضلات والمياه في جسمك، مش الوزن الكلي بس، ونراجع تاريخك الصحي وتحاليلك. ومش هنرشح لك حاجة انت مش محتاجها؛ لو الحل الأنسب لحالتك حاجة تانية هنقولك.
قياس body contouring لتقييم التطور
الكشف بيبدأ بالتاريخ المرضي الكامل والأدوية اللي بتاخدها فعلاً، وفحص إكلينيكي، ومراجعة كل التحاليل والأشعة اللي معاك مهما كانت قديمة. لو الحالة محتاجة سونار على البطن، بيتعمل في نفس الزيارة. وبتخرج بخطة مكتوبة: العلاج، الفحوصات المطلوبة، وميعاد المراجعة الجاي.
نحت الجسم
نزلت وزن والبطن زي ما هي؟ ده مش صدفة. جسمك هو اللي بيحدد الدهون تنزل منين الأول، وغالباً بيسيب المناطق العنيدة للآخر، وعشان كده في ناس بتنزل 10 كيلو والمقاس يفضل زي ما هو. الميزوثيرابي بيشتغل على المناطق دي بالتحديد، لكنه مش بديل لإنقاص الوزن؛ هو مرحلة بتيجي بعده أو معاه، وبتبدأ بكشف يحدد إذا كان مناسب لحالتك من الأساس.
حقن بتتحط مباشرة في الطبقة الدهنية تحت الجلد، فبتشتغل على المنطقة المستهدفة بالظبط مش على الجسم كله: البطن، الجوانب، الدراعين. بيتعمل جلسات أسبوعية، ومعظم الحالات بتحتاج من 4 لـ 6 جلسات. الكشف بييجي الأول: تاريخك المرضي وأدويتك وحالة الجلد في المنطقة وخطة نزول وزنك هم اللي بيحددوا إذا كان الميزوثيرابي مناسب ليك، وأنهي مناطق تستاهل فعلاً.
